Утрински Весник
Спорт

„Грејсноут“: Бразил и Португалија ќе се борат за титулата

Еквадор пред исфрлање од Мундијалот, доказите за „фалсификувањето“ на Кастилјо се огромни!

Светското првенство во Катар дојде до четвртфиналето. Борбата за место меѓу најдобрите четири селекции во светот ќе започне во петок. Бразил и натаму е прв фаворит за освојување на титулата, покажува анализата на компанијата „Грејсноут“.

dobivaj vesti na viber

„Селесао“ сега има 25 проценти шанси за освојување на титулата, а потоа следи Аргентина со 20 проценти: двете селекции се потенцијални противници во полуфиналето, доколку Бразил ја мине Хрватска, а „гаучосите“ Холандија.

Следна е репрезентацијата на Португалија со 13 проценти шанси за трофејот, што значи и дека се први кандидати за финалето од долниот дел на костурот.

Следуваат Холандија и Франција со по 11 отсто шанси, како и Англија со 10 отсто.

Најмалку шанси за пласман во финалето им се даваат на Хрватска и Мароко.

Во споредба со прогнозата од пред турнирот, Хрватска ја замени Шпанија во левиот дел од костурот, додека Мароко ја замени Белгија во најдобрите осум – преостанатите шест учесници беа правилно прогнозирани.

„Грејсноут“ прогнозира дека Аргентина ќе ја победи Холандија, а Бразил репрезентацијата на Хрватска. Јужноамериканското полуфинале според оваа прогноза ќе им припадне на Бразилците.

На другата страна од костурот, прогнозата е дека Франција ќе слави против Англија, а Португалија против Мароко. Португалците, според оваа прогноза би ги елиминирале актуелните шампиони во полуфиналето.

Во големото финале Бразил ќе ја победи Португалија.

„Грејсноут“ е сервис за обработка на податоци во сопственост на „Нилсен“, информатичка компанија која е еден од светските лидери во областа на мерење на уделот на пазарот.

Можете да прочитате

Чави и да не се премисли останува во Барселона

Јокиќ со нов рекорд во НБА

Медведев – Синер е првата полуфинална двојка на Мастерсот во Мајами