Грција ќе испрати ново количество оружје и муниција за помош на Украина, вклучително и 127-милиметарски ракети Зуни од Виетнамската војна кои се лансираат од авиони и хеликоптери, објави порталот Балканска безбедносна мрежа.
Новиот контингент помош за Украина во оружје и опрема содржи, според грчките медиуми, 2.000 ракети Зуни, 180 ракети од 70 милиметри (2,75 инчи), 90.000 90-милиметарски гранати, четири милиони парчиња муниција и 70 хаубици М114А.
Преку Чешка ќе се доставува вооружување и муниција во Украина, од која ќе се купува одредена количина муниција.
Ракетите Зуни се ненаведувани проектили и се произведуваат од крајот на 1950-тите. Првата борбена употреба се случи во 1965 година во индиско-пакистанската војна, каде што беше користена од Пакистанците и беше интензивно користена од американската армија во Виетнамската војна.
Ракетата тежи околу 60 килограми, има домет од осум километри, а просечната брзина на проектилот е 2.600 километри на час, 720 метри во секунда или 2,1 пати поголема од брзината на звукот. Се лансира од воздух, односно од авиони и хеликоптери, од носачот ЛАУ-10.
Постојат неколку видови боеви глави и примарна цел на ракетите е борба против оклопни возила, а најкористена е верзијата Mk24.
Украина ги користи ракетите Зуни од почетокот на 2023 година и се презадоволни од нивниот квалитет. Соединетите Американски Држави и доставија на Украина 6.000 ракети Зуни до крајот на 2023 година.
