Градоначалникот на Крива Паланка, Сашко Митовски, за денеска најавува нови информации за загадувањето на Крива Река, од страна на рудникот „Тораница“.
-Во 11 часот ќе ги објавиме најновите лабараториски резултати и состојбата со загадувањето, најави градоначалникот Митовски.
Рудникот „Тораница“ пак досега ги негираше тврдењата на општината. Односно, неколку дена по обвинувањата на градоначалникот на Крива Паланка за излеани тешки метали во Крива Река, фирмата „Булмак“ демантира. Нивните лабораториски анализи не го утврдиле истото што и анализите на кои се повикува општината.
По Инцидентот во Крива Река, и еко-активистите со низа забелешки и прашања на адреса на државниот инспекторат за животна средина. Нотираат пропусти во инспекцискиот надзор.
„Зошто не се земени примероци за анализа при инспекцискиот надзор кога е тоа законска обврска на инспекторите? – Зошто ДИЖС нема ни објавено оглас за јавна набавка на лабораториски услуги за испитување на вода, воздух, отпад и друго за 2025 година? – Зошто не е искористена Централната лабораторија на МЖСПП кога според јавно достапни информации веќе има 11 акредитирани методи за испитување квалитет на вода?“, прашуваат од „Зелен Хуман Град“.
Јавното обвинителство презема дејствија во предистражана постапка со цел да се испита дали има евентуална кривична одговорност при загадувањето на Крива Река од рудникот „Тораница“ чиј концесионер е фирмата „Булмак 2016“ ДООЕЛ Пробиштип. Директорот вели не бил повикан на разговор и смета дека градоначалникот е тој кој што треба да биде повикан
