Во најголемата полициска акција спроведена во Централна и Јужна Америка запленета е рекордна количина на дрога и оружје, соопшти Интерпол.
Вредноста на запленетата дрога е проценета на 5,7 милијарди долари, а запленети се и неколку илјади парчиња нелегално оружје. Во оваа голема полициска акција која траеше од 12 март до 2 април учествуваа 15 земји.
Интерпол соопшти дека во акцијата „Тригер IX“ се уапсени 14.260 лица. Пронајдени се 8.263 парчиња оружје и 306.000 парчиња муниција, 203 тони дрога и 372 тони средства за производство на наркотици.
Во акцијата учествуваа Аргентина, Боливија, Чиле, Колумбија, Костарика, Еквадор, Ел Салвадор, Гватемала, Хондурас, Мексико, Панама, Парагвај, Перу и Уругвај.
Повеќе од половина од „криминалното оружје“ запленето и пронајдено во Централна Америка потекнува од САД, покажуваат податоците на американската агенција за контрола на оружјето АТФ.
