Украински напад со дрон предизвика пожар во руската област Астрахан и предизвика откажување на летовите од неколку аеродроми во Русија, соопштија руските власти.
-Украинските вооружени сили се обидоа да нападнат со дронови објекти лоцирани во областа, вклучувајќи складишта за гориво и енергетски објекти, напиша гувернерот на Астраханската област, Игор Бабушкин. „Уривањето на дрон предизвика пожар. Нема пријавени повредени“, се додава во соопштението.
Бабушкин не прецизираше каде избувнал пожарот.
Според рускиот информативен канал на Телеграм, База, кој е близок до руските безбедносни служби, Украина нападнала фабрика за преработка на гас во близина на Астрахан.
Во меѓувреме, руската агенција за воздушен транспорт Росавијација соопшти дека ги прекинува летовите од аеродромите во Астрахан и Казан, Нижнекамск, Саратов и Улјановск за да се осигура нивната безбедност.
Дрони атакували Астраханський газопереробний завод в Росії pic.twitter.com/tBZcOUEaWW
— Українська правда ✌️ (@ukrpravda_news) February 3, 2025
Претходно вчера, Росавијација, исто така, привремено ги прекина летовите од аеродромот Волгоград во јужна Русија, но тие потоа беа обновени.
Сè уште нема официјална најава за напад на Волгоград, но „База“ објави дека голем координиран напад со дрон бил насочен против нафтена рафинерија во областа.
