Франциско Оропеза (38), кој е обвинет за убиство на пет соседи во фарма во Тексас, е уапсен по четиридневна потера, потврди канцеларијата на шерифот на округот Монтгомери.
Шерифот на округот Грег Каперс изјави дека Оропеза бил приведен откако властите добиле дојава за неговата локација, пренесува USA Today.
Оропеза ќе биде задржан во затворот во округот Сан Хасинто, со кауција одредена од 5 милиони долари.
„Го најдовме како се крие во плакарот под куп алишта. Сега е зад решетки и така ќе го помине остатокот од својот живот“, изјави Каперс.
Властите соопштија дека Оропеза пукал куршуми во двор кога соседот Вилсон Гарсија го замолил да најде друго место за пукање бидејќи се обидувал да го заспие бебето.
Додека продолжил да пука, Гарсија повикал полиција, а неколку минути подоцна во нивната куќа дошол Оропеза и отворил оган. Во куќата имало десетина луѓе.
Сопругата на Гарсија, Соња Аргентина Гузман (25) стоела пред вратата и била убиена прва, а неговиот 9-годишен син Даниел Енрике Ласо бил убиен во собата.
Загинаа и Дијана Веласкез Алварадо (21), Јулиса Молина Ривера (31) и Хозе Џонатан Казарез (18). Властите соопштија дека Дијана и Хулиса биле убиени откако ги користеле своите тела за да ги заштитат своето бебе и ќерката, кои преживеале.
„Сето тоа беше во стил на егзекуција“, рече Каперс, а властите рекоа дека користеле снимки од безбедносните камери за да го идентификуваат Оропеза.
Полицијата не успеала веднаш да го фати Оропеза и понудила награда од 80.000 долари за помош во пронаоѓањето на убиецот. Стотици полицајци од локалните и државните агенции и ФБИ користеле дронови и кучиња трагачи.
Оропеза е депортирана четири пати од 2009 година, соопшти американската служба за имиграција и царина.
