Во САД возењето под дејство на алкохол не е нужно нелегално, пресуди судот во Калифорнија на судењето на маж кој се обидел да им побегне на две гневни жени.
Томас Патрик Хјустон (60) ѝ објаснил на поротата дека скокнал во својот автомобил за да избега од сопствената сопруга која го пронашла во прегратките на неговата љубовница, која подеднакво се налутила кога сфатила дека е изневерена.
Точно е дека 60-годишникот бил под дејство на алкохол, но бегството му било единствениот излез за да го заштити физичкиот интегритет, објасни тој на судењето, а спасувањето на кожата е дозволено со закон.
Поротата во градот Укија, во винарскиот регион на Калифорнија, по расправата, одлучи дека Хјустон не е виновен за возење под дејство на алкохол.
„Сведочењето покажа дека Хјустон бил изненаден од сопругата која го нашла во прегратките на друга жена и затоа морал да бега од две гневни жени“, објаснуваат од обвинителството.
