Речиси 1,03 милиони украински бегалци се регистрирани во Германија од почетокот на рускиот напад врз Украина, објави „Шпигел“.
Според податоците на УНХЦР – агенцијата за бегалци на ОН, од 24 февруари, кога започна војната, до денес околу 7,9 милиони луѓе од Украина нашле засолниште во странство поради војната, пишува украинска „Правда“.
Полска прифати најмногу бегалци – повеќе од 1,5 милиони.
Голем број доби и Чешка, околу 463.000.
Во Франција се регистрирани околу 119.000 бегалци, во Италија околу 173.000 и во Шпанија околу 154.000 бегалци.
До 18 ноември во Велика Британија беа примени 140.000 украински бегалци.
