На ескалацијата на конфликтот на Блискиот исток реагираше и Германија. Германскиот канцелар Олаф Шолц изрази сериозна загриженост поради нападите на Иран врз Израел, предупредувајќи дека таквите акции ризикуваат да го запалат целиот регион. „Иранскиот напад врз Израел ризикува да го запали целиот Блиски Исток,“ изјави Шолц, осудувајќи го лансирањето на околу 200 ирански ракети кон израелска територија.
Шолц повика на итно запирање на нападите од страна на Иран и Хезболах, потенцирајќи дека Германија го поддржува правото на Израел да се брани од ваквите агресии.
Покрај тоа, Германија ги повика своите граѓани кои се наоѓаат во Иран итно да ја напуштат земјата, изразувајќи загриженост за нивната безбедност во услови на растечка нестабилност.
