Германската влада го објави нацрт-законот за планираниот финансиски пакет вреден 500 милијарди евра, кој ќе биде насочен кон одбрана, инфраструктура и климатска неутралност, објави ДПА.
Според документот, договорен од коалицијата што ја предводи идниот канцелар Фридрих Мерц, ќе се ублажи уставното ограничување за задолжување, познато како „должничка кочница“. Ова ќе овозможи средства не само за воени трошоци, туку и за сајбер-безбедност, разузнавачки служби и помош за држави-жртви на агресија.
Од пакетот, 100 милијарди евра ќе бидат додадени на постојниот фонд за климатска транзиција, а во германскиот Устав ќе биде вметнат поимот „климатска неутралност до 2045 година“.
Парламентарниот буџетски комитет ќе ги разгледа измените утре, а конечната одлука се очекува на седницата на Бундестагот во вторник.
