Аргентинскиот интернационалец Алехандро Гарначо потпиша нов договор и ќе остане на „Олд Трафорд“ до јуни 2028 година.
„Манчестер јунајтед со задоволство може да соопшти дека Алехандро Гарначо потпиша нов договор според кој ќе остане во клубот до 30 јуни 2028“, стои во соопштението на клубот.
Гарначо е пресреќен што уште долго ќе биде дел од Манчестер јунајтед.
„Кога дојдов во овој неверојатен клуб, сонував да дебитирам, да играм на „Олд Трафорд“, да го постигнам мојот прв гол и да освојувам трофеи. Драго ми е што сонот продолжува“, изјави Гарначо.
