Ракометниот клуб Алкалоид за премиерната сезона на европска сцена ќе се засили и со странски ракометари. Прво засилување треба да биде францускиот интернационалец Арно Бинго, кој како слободен ракометар ќе дојде во Македонија од редовите на Бенфика.
Се работи за лево крило, кој во минатото играше за Монпелје и за Трембле, а ја има освоено и Лигата на шампионите. Минатата сезона ја мина во португалскиот клуб Бенфика.
Бинго ќе биде прв странски ракометар во историјата на РК Алкалоид, клуб кој следната сезона ќе настапува во Европската лига на ЕХФ. Во зависност од саботниот натпревар против Вардар 1961, ќе биде познато дали Алкалоид ќе игра директно во групната фаза или ќе игра квалификациско коло.
