Француската полиција уапси 10 навивачи поради нереди пред финалето на Купот на Франција меѓу Пари Сен Жермен и Олимпик од Лион.
Фудбалерите на ПСЖ го освоија Купот на Франција, откако синоќа во Лил го победија Лион со резултат 2:1. На натпреварот му претходеле судири меѓу приврзаниците на двата клуба, кои се случиле во саботата доцна попладне на автопатот кај Лил.
Еден автобус беше запален, а два други беа оштетени во немирите во кои учествуваа повеќе од 200 навивачи. Инцидентот се случил и покрај тоа што автобусите на приврзаниците биле придружувани од француската полиција.
Во соопштението на француската полиција се наведува дека во таа прилика биле повредени 30 навивачи, како и осум полицајци.
