Во Скопје има стотици диви депонии кои со години го загрозуваат здравјето и безбедноста на граѓаните.
Речиси секоја скопска населба има делови кои се претворени во габаритни депонии каде недозволено се одлага секаков вид на отпад.
Една од нив е и дивата депонија во општина Бутел.
На само стотина метри од булеварот Христијан Тодоровски Карпош на спореден пат, меѓу објекти фирми и трафостаницата на МЕПСО се наоѓа дива депонија долга стотици метри.
Кабаст отпад, градежен шут, гуми, стакла, автомобилски делови, но и азбестни плочи кои се сериозна закана за здравјето на граѓаните, се само дел од огромното ѓубре што секојдневно се трупа на оваа локација.
На видеото и фотографиите погледнете како утрово изгледаше оваа дива депонија.
Ниската еколошка свет на граѓани, но и неспособноста и инертноста на градските и општинските власти доведоа до ситуација Скопје да биде најзагаден град во Европа.
Ако во зимските месеци се мачиме со аерозагадување, во сиот останат период се мачиме со диви депонии и загадување на почвата и водите.
