Претседателката на Европската комисија, Урсула фон дер Лајен денеска изјави дека ЕУ разгледува построги санкции против Иран.Таа додаде дека не сака директно да ги коментира воените дејствија што би можеле да ги преземат САД или Израел.
– Не можам да ги коментирам активностите на други земји. Нивна одлука е што ќе преземат, изјави таа на прес-конференција на маргините на политичките разговори во Кипар.
Таа нагласи дека „она што се случува во Иран е одвратно, а убивањето на младите луѓе е човечка трагедија“.
Фон дер Лајен исто така истакна дека ЕУ работи на нови санкции против одговорните за бруталното задушување на протестите во Иран.
Таа рече дека овие мерки имаат за цел да помогнат во доведувањето до крај на сегашната влада во Иран. Постојните санкции на ЕУ веќе имаат ефект и го ослабуваат режимот, додаде таа.
