Англискиот премиерлигаш Челси ќе остане без најголемото засилување, дефанзивецот Весли Фофана, во наредните шест седмици. Тоа е голем удар за лондонскиот тим кој го очекува згуснат распоред во Премиерлигата и во Лигата на шампионите.
„Сините“ синоќа го совладаа Милан со убедливи 3:0, а Весли Фофана беше стрелец на првиот гол а потоа мораше да го напушти теренот во 38. минута.
Фофана го напушти стадионот со патерици, а денеска пристигна информација за повредата и периодот на опоравување. Англиските медиуми пренесуваат дека поранешниот стопер на Лестер ќе мора да биде надвор од терените од 4 до 6 седмици.
