Утрински Весник
Магазин

Флорида со закон ги забрани социјалните мрежи за лица под 16 години

20240224120819 Big 730x400 55.webp.webp

Мерката, која сега треба да ја потпише републиканскиот гувернер Рон ДеСантис, бара од социјалните мрежи да ги укинат сметките на сите помлади од 17 години.

Претставничкиот дом го усвои законот со 108 гласа „за“ и седум „против“, неколку часа откако Сенатот го даде конечното одобрување.

Web

ДеСантис, кој не кажа дали ќе ја потпише мерката, минатиот месец изрази загриженост за потенцијалното прекршување на правата на приватност.

Поддржувачите сметаат дека законот ќе ги заштити децата од штетните ефекти на социјалните мрежи, како што се анксиозноста, депресијата и другите ментални болести, и ќе биде од корист за оние кои прекумерно користат такви платформи.

Критичарите велат дека законот го прекршува Првиот амандман на Уставот на САД, кој гарантира слобода на говорот и дека родителите, а не Владата треба да носат такви одлуки.

Во март 2023 година, Јута стана првата американска држава која донесе закони за регулирање на пристапот на децата до социјалните мрежи, а наскоро ќе им се придружат и Арканзас, Луизијана, Охајо и Тексас, според анализата подготвена пред носењето на законот на Флорида.

Според анализата, голем број други држави размислуваат за слични регулативи.

Можете да прочитате

Били Ајлиш најави нов албум

Совети за родители и поуспешни деца

Пронајдени украдени лего коцки вредни 300.000 долари