Себастијан Фетел, четирикратниот светски шампион, ја вози својата последна сезона во Формула 1.
Германецот најави дека ќе се збогува со најбрзиот циркус на крајот на 2022 година, а веќе е познато првото натпреварување на кое ќе учествува по пензионирањето.
Фетел е пријавен за егзибицијата „Трка на шампионите“, која ќе се одржи во шведското одморалиште Пит Хавсбад во близина на Арктичкиот круг. Покрај него, засега познати учесници се Мика Хакинен, Јохан Кристоферсон и Џејми Чадвик.
„Ова ќе биде мое 11. учество на овој уникатен и забавен натпревар. До лани немав толку искуство во возење на снег, затоа и бев изненаден што стигнав до финалето со Себастијан Леб. Сега едвај чекам да се вратам во Шведска“, изјави Фетел.
