Феникс 2010 првпат во својата историја ќе игра во финалето на Купот на Македонија, откако во интересната полуфинална битка беа подобри од Пелистер со 86:79 (26:17, 21:27, 19:19, 20:16). Во големото финале, Феникс ќе се судри со 10-кратниот шампион МЗТ Скопје, кој претходно во првото полуфинале го елиминираше ТФТ Скопје. Финалето се игра утре во СРЦ „Кале“ со почеток од 19.30 часот.
Феникс имаше подобар старт на мечот осигурувајќи предност од 26:17 по првата четвртина, разлика која се зголеми на 37:21 во втората четвртина, пред Пелистер да се врати со своја серија и да намали на 37:32. Сепак, Феникс ја оддржуваа разликата и во второто полувреме, не дозволувајќи битолскиот клуб да се доближи на помалку од пет поени разлика.
Фото: КФМ
