Утрински Весник
Спорт

ЕВРО2024: Холандија со пресврт во полуфинале

20240706230414 Big 730x400 43.webp.webp

Холандија е последниот полуфиналист на Европското фудбалско првенство, откако вечерва во возбудливо четвртфинале во Берлин ја совлада Турција со 2-1 (0-1).

Самет Акајдин ја донесе Турција во водство во 35 минута, а Арда Ѓулер на средина од второто полувреме пропушти голема шанса да го удвои водството, откако неговиот удар ја погоди стативата.

Казната дојде на спротивната страна во 70 минута кога Стефан де Вриј го израмни резултатот.

Само шест минути подоцна Холандија дојде до целосен резултатски пресврт со автоголот на Мерет Мулдур.

Завршницата на дуелот на Олимпискиот стадион во Берлин беше драматична во која Турција не успеа да реализира ниту една од многуте колосални шанси и да го однесе натпреварот во продолженија.

Холандија во полуфиналето ќе игра против Англија в среда.

Втората полуфинална двојка ја сочинуваат Франција и Шпанија.

Можете да прочитате

Пад за едно место на македонската репрезентација на најновата ФИФА ранг-листа

Мајката на Мбапе: Ако нема друг избор ќе го тужиме ПСЖ за долг од 100 милиони евра

Новак Ѓоковиќ ќе игра за Србија во Дејвис Купот