Студијата објавена во списанието Plos one анализираше повеќе од пет милиони раѓања помеѓу 2004 и 2015 година и покажа дека 28,5 отсто од бебињата се родени помеѓу 9 и 16:50 во работните денови, додека 71,5 отсто од раѓањата се случиле за време на викендите или празниците помеѓу 17:00 и 08:59 часот.
Однапред договорените раѓања со царски рез сочинуваат 9,2 отсто од раѓањата и најмногу се случуваат во работните денови помеѓу 9 и 11:59 часот.
Индуцираните раѓања, кои сочинуваат повеќе од една петтина од сите раѓања, се поверојатни околу полноќ во вторник и сабота, како и во деновите пред државните празници. Најмалку раѓања се забележани за време на државни празници.
-Моето долгогодишно искуство покажа дека пораѓањата без интервенции најчесто се случуваат во ноќните часови или во раните утрински часови. Можеби е дел од нашето еволутивно наследство. Нашите предци живееле во групи кои биле активни преку ден, а одмарале ноќе. Затоа, ноќните породувања веројатно им пружиле одредена заштита на мајката и на новороденчето – вели главниот автор на студијата, др. Питер Мартин.
