Управата за Јавни приходи, наскоро ќе започне со исплата на парите што граѓаните ги добиваат по основ на поврат од ДДВ.
Парите од „Мој ДДВ“ треба да стигнат на граѓаните што скенираат фискални сметки, на почеток од месец февруари.
Тогаш, ќе се исплати повратот на дел од ДДВ преку проектот „Мој ДДВ“ за октомври, ноември и за декември минатата година.
Проектот „Мој ДДВ“, како еден од најуспешните, го оправда своето постоење. За нешто повеќе од четири години од спроведувањето на оваа мерка, преку „Мој ДДВ“ на сметките на граѓаните легнале без малку 120 милиони евра.
