Ракометарите на Еурофарм Пелистер ја остварија четвртата победа во плеј-офот на Суперлигата, совладувајќи го Пролет со 32:26. По заминувањето на Ларс Валтер, тимот од клупата го предводеше Божидар Мојсов, а допрва се очекува ангажман на нов тренер.
Пелистер на стартот поведе со 3:0, а до полувремето создаде предност од пет гола (19:14).
Во вториот дел, Пролет намали на два гола негатива, меѓутоа Еурофарм Пелистер го засили темпото и на крајот заслужено стигна до победа.
Ненад Костески постигна седум погодоци во победничкиот тим, а Ласко Андоновски од Пролет беше најефикасен со осум гола.
Претходно, Вардар беше поуспешен од Еурофарм Пелистер 2 и славеше со 18:25.
