ЕУ го отфрла преземањето на власта со сила во Габон и повика на воздржаност од сите страни, изјави шефот за надворешна политика, Жозеп Борел.
Воената хунта вчера соопшти дека ја презела власта и го ставила претседателот Али Бонго во домашен притвор и ги откажала изборните резултати со кои Бонго требаше да добие трет мандат.
„Предизвиците со кои се соочува Габон мора да се решат во согласност со принципите на владеењето на правото, уставниот поредок и демократијата. Мирот и просперитетот на земјата, како и регионалната стабилност, зависат од тоа“, рече Борел.
Тој додаде дека ЕУ ја споделува сериозната загриженост за начинот на кој беа организирани и спроведени претседателските избори што му претходеа на пучот.
„Има воени и институционални удари, каде што не треба да се фаќате за оружје, но ако наместам избори за да ја преземам власта, тоа е исто така нерегуларен начин да го направам тоа“, додаде тој.