Легендарниот англиски фудбалер, Стивен Џерард, се наоѓа во Истанбул каде преговара со раководството на турскиот шампион Трабзонспор за преземање на тренерската позиција.
Доколку падне „дил“, тогаш Џерард ќе биде нов тренер на македонскиот репрезентативец Енис Барди.
Трабзонспор разгледува неколку опции за нов тренер, а англиската легенда е најсериозен кандидат за оваа позиција.
Во моментов Трабзонспор е без претседател, а раководните операции во клубот ги извршува потпретседателот Ертурул Доган и токму тој во последните денови имал разговори со Џерард. Новиот претседател на Трабзонспор се очекува да биде избран на 26 март.
Кандидат за претседателската функција е Доган, а според медиумите во Турција доколку биде избран, тогаш ќе го назначи Џерард за нов тренер на тимот.
