Холивудската актерка Џенифер Анистон реши да стави крај на гласините кои се шират во јавноста последните неколку месеци, за нејзината наводна врска со поранешниот американски претседател Барак Обама.
Гласините за можна врска помеѓу Анистон и Обама се појавија откако беше откриено дека бракот на Барак и Мишел Обама е во криза. Овие наводи предизвикаа бура во медиумите, а дополнително внимание привлече и тоа што Мишел не присуствуваше на одредени важни настани, како што се погребот на Џими Картер и инаугурацијата на Доналд Трамп.
Извори блиски до Анистон велат дека актерката одлучила да преземе чекори за да стави крај на шпекулациите кои ја повредија не само Мишел, туку и самата таа.
– Џенифер едвај го познава Обама, а овие гласини се навистина луди – открил извор за Radar On Line.
Според блиски пријатели, Џенифер е загрижена за ефектот на овие гласини врз Мишел Обама.
Самата актерка беше мета на слични приказни за време на бракот со Бред Пит, кога медиумите тврдеа дека Бред ја изневерувал со Анџелина Џоли.
– Џен знае колку ваквите приказни можат да бидат болни. Таа е шокирана, но и збунета, бидејќи не разбира како луѓето доаѓаат до такви идеи – рекол изворот.
Извори блиски до Барак тврдат дека тој и Мишел се веќе разделени и живеат одвоено.
Наводно, разводот ќе се случи тивко, без помпа, за да се зачува достоинството.
– Барак е подготвен да продолжи понатаму, а истото важи и за Мишел, која конечно реши да се стави себе си на прво место – рекол изворот.
Анистон ги демантираше сите шпекулации за нејзината врска со поранешниот претседател, нагласувајќи дека едвај го познава.
