Фудбалерите на Наполи ја совладаа Аталанта со 2:0 во натпреварот од 26. коло на италијанската Серија А. Македонскиот репрезентативец, Елиф Елмас, играше од 66.минута, тој му асистираше на Амир Рахмани за вториот гол, со кој Наполи ја потврди победата.
Избраниците на Луќан Спалети уште еднаш одиграа брилијантно и направија нов чекор кон освојување на Скудетото.
Наполи беше подобар ривал во текот на целиот натпревар, но не можеше да постигне гол во првото полувреме. Првата шанса за игра ја пропушти Матео Политано во седмата минута, а 20 минути подоцна Кварцхелија брилијантно ја измеша одбраната на гостите, но неговиот удар беше непрецизен.
Наполитанците продолжија со нападите и во вториот дел, а тоа им се исплатеше. Во 60. минута Кварацхелија, исфрли тројца играчи на Аталанта и погоди за водство на Наполи.
Се беше решено во 77. минута. Елмас испрати одличен центаршут од корнер директно до главата на стоперот Рахмани кој со глава ја удвои предноста на својот тим и го потврди триумфот на Наполи.
Наполитанците по новиот триумф ја зголемија разликата во однос на второпласираниот Интер на 18 бодови и на 12 кола до крајот веќе можат да го „ладат шампањското“.
