Утрински Весник
Свет

Еди Рама: Косово нема долго да чека на конечно признавање

Еди Рама: Косово нема долго да чека на конечно признавање

Премиерот на Албанија, Еди Рама, на заедничката седница на парламентите на Албанија и Косово изјави дека конечното признавање на Косово ќе дојде и дека за тоа нема да чека долго. Рама рече дека верува оти Косово „ќе биде признаено во секој случај во светот“, пренесуваат приштинските медиуми.

dobivaj vesti na viber

Тој во својот говор ги спомена и терористичката ОВК, Демократскиот сојуз на Косово и поранешниот лидер на оваа партија, Ибрахим Ругова, наведувајќи дека без нив „денес не може да се разбере“ и дека Хашим Тачи, кој е обвинет за воени злосторства, бил привремено одвоен од нив.

Во моментот кога Рама почна да зборува, пратениците на Демократската партија ја напуштија собраниската сала каде се одржа заедничка седница по повод 110-годишнината од независноста на Албанија.

Претседателот на Парламентот во Приштина, Гљаук Коњуфца, рече дека „виталните интереси на албанскиот народ полесно ќе бидат заштитени колку што се поблиску Косово и Албанија“.

Тој вели дека денес „ги држи во своите пазуви колективните соништа и заедничките аспирации“ на Албанија и Косово.

Можете да прочитате

Сателитски снимки од турските градови пред и по земјотресот

Бајден за Џинпинг: Овој човек има огромни проблеми, економијата не му оди баш најдобро

Две жени пронајдени живи во Турција по 62 часа под урнатините