Утрински Весник
Македонија

Ќе заседава Управувачкиот комитет за координација на системот за управување со кризи

20230302091911 Big 730x400 1.webp.webp

Во просториите на Центарот за управување со кризи денеска ќе се одржи седница на Управувачкиот комитет за координација и управување со системот за управување со кризи, во проширен состав. На седницата ќе бидат разгледани согледаните слабости на системите за управување со кризи, за заштита и спасување и за противпожарна заштита, како и предлозите за нивно надминување.

Со седницата, како што е најавено, ќе раководи министерот за внатрешни работи Панче Тошковски, а ќе присуствуваат и вицепремиерот и министер за транспорт Александар Николовски, министерот за одбрана Владо Мисајловски и раководителот на Групата за процена на ризици и опасности и директор на ЦУК, Стојанче Ангелов.


Покрај членовите на Управувачкиот комитет, на седницата поканети се и заменик претседателот на Владата за политички систем Љупчо Димовски, министерот за земјоделство, шумарство и водостопанство Цветан Трипуновски, претседателот на ЗЕЛС и градоначалник на Кисела Вода, Орце Ѓорѓиевски, директорот на ДЗС, Џеват Селами, директорот на ЈП Национални шуми Здравко Трајанов, директорот на АД Водостопанство Филип Филиповски, директорот на УХМР Игор Лазаровски и командантот на БППЗ на Град Скопје Звонко Томевски.

Можете да прочитате

Штерјова: За Росица од Велес вината се префрла само на полицајците, без командири, началници – СДСМ бара оставка од Тошковски

Засилени сообраќајни контроли на автобуси и товарни возила во рамки на меѓународната акција на ROADPOL

СДСМ: 20 дена од скандалот со Алта банка, една недела од кривичната пријава – Обвинителот Савески молчи!