Пред 10 години во дворот на кампусот на Универзитетот „Свети Кирил и Методиј“ во Скопје започна изградба на две нови згради.
Таму треба да се сместат студентите на Факултетот за информатички науки и компјутерско инженерство и на Факултетот за физичка култура, спорт и здравје.
Дизајнирани во барок (кој беше популарен за државните институции во таа 2015 година) зградите требаше да се изградат за две години и чинеа вкупно 30 милиони евра.
Но иако изминува и десеттата година од почетокот на изградбата, зградите се уште стојат недовршени во дворот на најголемиот универзитетски кампус.
Во меѓувреме, фирмата што ги градеше, Бетон – Штип отиде во стечај, а проектите (само на хартија) претрпеа одредени измени во финалниот надворешен изглед.
24инфо.мк се обрати до Министерството за образование и наука за нивните планови за овие згради. Оттаму, уверуваат дека тие ќе бидат довршени наскоро.
„Согласно најавите, изградбата на објектите за ФИНКИ и ФФК ќе продолжи кон крајот на оваа година. Во моментов се прави увид во состојбата во која се наоѓаат, имајќи предвид дека повеќе од 7 години не се реализирани никакви активности, како и адаптација на проектите за истите“ велат од МОН.
Студентите на ФИНКИ и на ФФК се уште студираат во старите објекти кои дел од нив се дотраени, а особено голем проблем имаат професорите и студентите на ФИНКИ кој во последните години стана еден од најпопуларните факултет,и во државата што придонесува за создавање проблем при правењето распоред на предавањата.
