Лука Дончиќ, изминатата ноќ, го предводеше Далас до убедлива победа над Чикаго, а Стеф Кари блескаше во победата на Голден Стејт на гостувањето кај актуелниот шампион Бостон.
Далас го совлада Чикаго со 119:99. Блескаше Лука Дончиќ, кој мечот го заврши со 27 поени, седум скока, 13 асистенции и четири украдени топки.
Ирвинг и Гафорд го следеа со по 17 поени, а Клеј Томпсон уфрли 13 поени.
Кај Чикаго, Никола Вучевиќ забележа дабл-дабл со 14 поени и 10 скока, Матас Бузелис додаде 15 поени, Џош Гиди 10.
Далас Маверикс сега имаат 5-3, додека Булс 3-4.
Голден Стејт го совлада актуелниот шампион Бостон со 118:112.
Стеф Кари ги предводеше Вориорси со 27 поени (4/9 тројки), со девет асистенции и седум скока, додека Ендрју Вигинс и Бади Хилд додадоа по 16 поени.
На Селтикси не им помогнаа 32-те поени на Џејсон Тејтум, втор по ефикасноста кај Селтикс беше Дерик Вајт со 26 со шест скока.
Голден Стејт има седум победи и еден пораз, додека Бостон седум победи и два порази.
Резултати:
Индијана – Орландо 118:111
Шарлот – Детроит 108:107
Атланта – Њујорк 121:116
Бостон – Голден Стејт 112:118
Хјустон – Сан Антонио 127:100
Мемфис – ЛА Лејкерс 114:131
Њу Орлеанс – Кливленд 122:131
Далас – Чикаго 119:99
Феникс – Мајами 115:112
Денвер – Оклахома 125:123
ЛА Клиперс – Филаделфија 110:98
Сакраменто – Торонто 122:107
