Германија ќе биде домаќин на Европското фудбалско првенство од 14 јуни до 14 јули.
Избраниците на Јулијан Нагелсман се во групата А со Швајцарија, Шкотска и Унгарија и ќе бараат да ја освојат четвртата титула на Европското првенство во својата историја.
Доколку „панцерите“ го освојат Стариот континент, ќе добијат рекордни награди.
Директорот на Германскиот фудбалски сојуз (ДФБ), Андреас Ретиг потврди дека секој играч ќе добие по 400.000 евра.
Според тоа, ДФБ ќе треба да плати 10,4 милиони евра за 26-те играчи, што не би било проблем со оглед на тоа што УЕФА ќе додели повеќе од 28 милиони евра за победникот.
