Луѓето што редовно ги посетуваа „Инстаграм“, „Тик-ток“ и „Твитер“ минатата година сигурно ги забележале објавите на Дилан Малвени и објавите за Дилан Малвени.
Дилан се појави во медиумите на почетокот на 2022 година и оттогаш стана најголемата трансродова ѕвезда на интернет.
Тој практично во живо на интернет ја пренесуваше својата транзиција од маж во жена. На својот профил на „Тик-ток“ секој ден објавуваше видеа во кои ги опишуваше 365-те дена од транзицијата и периодот што го нарече девојчинство.
На првиот ден од своето девојчинство Дилан рече дека се чувствува како девојче бидејќи има нагон за шопинг и плаче. Потоа следуваа видеозаписи на кои Дилан излегува во природа со високи потпетици и се снима како панично се плаши од бубачки.
Дилан е ѕвезда на „Ток-ток“ со повеќе од десет милиони следбеници, а целиот негов профил е посветен на борбата за правата на трансродовата заедница.
На 25-годишна возраст постигна низа успеси и стана пејачка, актерка, танчарка, комичар, овластен инструктор по јога, рехабилитаторка на диви животни, а гостуваше во бродвејскиот мјузикл The Book of Mormon („Книгата на Мормон“).
Во ноември минатата година инфлуенсерката се сретна со американскиот претседател Џо Бајден. Двајцата разговараа за правата на трансродовите луѓе, а во тоа интервју тој призна дека го гледа тикток-серијалот за транзицијата на Дилан.
