Фудбалерот на Јувентус, Анхел ди Марија, ќе отсуствува од терените околу 20 дена поради повреда на тетивата, соопшти денеска италијанскиот клуб. Од прегледите било откриено дека се работи за мало оштетување на тетивата на десната натколеница и дека на фудбалерот ќе му требаат околу 20 дена да закрепне.
Ди Марија се повреди во вторникот на натпреварот против Макаби Хаифа (0:2) во Лигата на шампионите. Се очекува да закрепне навреме и да биде во составот за Светското првенство во Катар кое започнува на 20 ноември.
Аргентина ќе игра во групата Ц со Саудиска Арабија, Мексико и со Полска.
