Утрински Весник
Спорт

Дешан шокиран – Варан повеќе нема да игра за Франција

Дешан шокиран – Варан повеќе нема да игра за Франција

Рафаел Варан во четвртокот го шокираше селекторот на француската репрезентација, Дидие Дешам, откако објави дека повеќе нема да игра за „триколорите“.

dobivaj vesti na viber

Стоперот на Манчестер јунајтед има само 29 години, со години игра на највисоко ниво, а само што влегува во зенитот на кариерата, но повеќе не сака да игра за „триколорите“.

Варан беше незаменлив во тимот на селекторот Дидие Дешам на претходните две светски првенства каде Французите стигнаа до финалето.

Во Русија во 2018 година, Варан ја командуваше одбраната на светските шампиони, додека во Катар минатата година, Франција загуби во финалето од Аргентина.

Одличниот дефанзивец за Франција дебитираше во 2013 година во квалификациите за Светското првенство во Бразил против Грузија кога неговата репрезентација победи со 3:1. На Мундијалот во Бразил, Франција испадна во четвртфиналето од Германија, која подоцна ја освои титулата.

Две години подоцна, Франција беше домаќин на Европското првенство и стигна до финалето каде Португалија беше подобра. Со националниот тим ја освои и Лигата на нации во 2021 година.

Варан одигра 93 натпревари за Франција, постигна пет гола.

Можете да прочитате

Мареј: Побегнав од моите деца, а во Новак добив едно големо дете

Ла Лига ја одби жалбата за суспензијата на Винисиус

Гвардиола по 30 години се раздели со сопругата Кристина