Кошаркарите на Денвер стигнаа до нова победа 129:104, а предводник беше српскиот кошаркар Никола Јокиќ. Тој натпреварот го заврши со 26 поени (шут од игра 12/15), а беше на чекор до двоцифрени бројки и во скокови и асистенции имаше по 9.
Гостинската екипа настапи без Стеф Кари, но тоа не ја намалува победата на Денвер особено што по три четвртини беше 99:77, а Јокиќ не одигра ниту една минута во последниот период.
Покрај Јокиќ солиден настап имаше и Џамал Мареј со 23 поени, додека кај поразената екипа Дејмонд Грин постигна 17 поени.
