Во основниот кривичен суд во Скопје денеска треба да биде изречена пресудата во случајот со ракометарот Денис Тот.
Во случајот обвинетите Анџело Ѓоргиевски, Клементина Левковска и Андреј Костовски се гонат за кривичното дело убиство. Тие се товарат дека на 7 април, пред ноќен клуб во Градскиот парк во Скопје, заеднички го претепале до смрт хрватскиот државјанин.
На претходните рочишта обвинетите се изјаснија дека не се чувствуваат виновни за делото кое што им се става на товар. Одбраната побара ослободителна пресуда за обвинетите бидејќи според нив станува збор за обична тепачка, а не за убиство со умисла.
