Меѓународниот ден на ненасилството, како и секоја година, се одбележува на 2 октомври, на денот на раѓањето на Махатма Ганди, еден од водачите на движењето за независност на Индија и пионер на филозофијата и стратегијата на ненасилството.
Овој празник го воспостави Генералното собрание на Обединетите нации во 2007 година со цел ширење на пораката за ненасилство, вклучително и преку образование и подигнување на јавната свест.
Филозофијата на Ганди се засноваше на тоа дека праведно општество и општествени промени не можат да се постигнат со насилни средства, туку исклучиво со мир, толеранција и почитување на човековите права.
