Скопската градоначалничка, Данела Арсовска вчера го разрешила директорот на ЈП „Градски паркинг”, Михаил Петревски. На негово место за нов в.д. директор е назначен Мартин Гаврилски.
Оваа информација денеска ја потврдија и од претпријатието, но не знаеја да кажат од кои причини Петревски е разрешен од функцијата. Петревски, на функцијата беше назначен лани во април.
Арсовска во понеделникот го разреши и директорот на „Водовод и канализација“, Виктор Панчевски, кој беше именуван пред 6 месеци.
Таа смени 25 директори, за нецели три години мандат.
