Црвениот крст отвори Центар за ментално здравје и психо-социјална поддршка. Клучните приоритети на Центарот се да развиваат програми наменети за едукација на пошироката јавност, дестигматизацијата на менталното здравје и зајакнување на резилиентноста на заедницата.
Покрај овие програми ќе се обезбеди советодавна поддршка и врсничка едукација за важноста на менталното здравје, како и ќе бидат организирани тренинг едукации за сите институции – чинители во кризниот менаџмент на државата.
Генералниот секретар на Црвениот крст Саит Саити истакна дека со отворањето на Центарот ќе се воспостави систем базиран токму на тие потреби а при тоа негувајќи релации со релевантните државни и општествени чинители. Тој нагласи дека волонтерската мрежа на Црвениот крст е зајакната преку обука на повеќе од 350 волонтери како провајдери на Психолошка Прва помош и други услуги од областа на менталното здравје.
