Реал Мадрид синоќа беше на прагот на елиминација во Купот на Шпанија, губеше со 2:0 од Вилјареал, но успеа да направи пресврт и да победи со 3:2 за да се пласира во следната рунда. Додека таму се одвиваше драма, а на Реал му се закануваше продолжување на лошата серија и рана елиминација, ѕвездата од 100 милиони евра гледаше НБА натпревар меѓу Чикаго Булс и Детроит Пистонс во Париз.
Чуамени е повреден, поради што ги пропушти двата натпревари во Суперкупот, но Реал има непишано правило дека играчите кои не можат да играат мора да бидат со тимот кога има натпревари, барем да ги гледаат.
Токму затоа, Чуамени се извини преку социјалните мрежи.
„Се извинувам на клубот, стручниот штаб, моите соиграчи и навивачите на Реал бидејќи бев на друг настан кога игравме многу важен куп-натпревар. Цело време преку мобилен телефон следев што се случуваше во Вилјареал. Многу ми е жал ако згрешив“, истакна Чуамени.
Pido disculpas a mi club, al cuerpo técnico, a mis compañeros y a la afición madridista por mi presencia en un evento a la hora que nos jugábamos mucho en la Copa. He estado atento en todo momento a lo que pasaba en Villarreal, pero no he hecho lo correcto. Lo siento mucho.🤍
— Tchouameni Aurélien (@atchouameni) January 19, 2023
