Утрински Весник
Свет

Четири експлозии одекнаа во шведските градови за еден час

Четири експлозии одекнаа во шведските градови за еден час

Во Шведска во рок од еден час одекнаа четири експлозии, а на терен беа повикани пиротехничари, соопшти полицијата.

dobivaj vesti na viber

Земјата во моментот се бори со зголемување на насилството поврзано со банди. Полицијата во Гетеборг добила извештаи за првите две експлозии на разни адреси, со разлика од 10 минути, нешто по 1 часот по полноќ.

„Двете локации се опколени и во тек е техничка истрага“, соопшти полицијата додавајќи дека на местото на настанот била повикана националната екипа за бомби. Нема извештаи за повредени, само материјална штета, соопшти полицијата.

Еден час подоцна, за неколку минути беа пријавени уште две експлозии – едната во Норсборг, предградие јужно од Стокхолм, а другата во Никопинг, 100-ина километри јужно од главниот град. Полицијата соопшти дека во двата случаја нема повредени. Сите четири експлозии биле на станбени згради.

Шведска се бореше во последните години да го спречи порастот на престрелки и бомбашки напади додека бандите, поттикнати од трговијата со дрога се борат. Полицијата во Гетеборг изјави за АФП дека е премногу рано да се шпекулира за мотивите зад двете експлозии во градот.

Во 2022 година, според полициските податоци, во Шведска се регистрирани 90 експлозии и 101 случај на обиди за бомбашки напади или подготовки за бомбашки напади. До 15 август годинава се регистрирани 109 експлозии.

Можете да прочитате

Џулијан Асанж постигнал договор со американските обвинители за негово ослободување

Европол: Во Шпанија се уапсени 42 осомничени за трговија со канабис и хероин

Во италијанскиот град Месина уапсени се 112 лица поради трговија со дрога