Новиот менаџер на Челси, Маурисио Покетино, продолжува да го составува својот тим за новата сезона и има намера да донесе уште засилувања. Според „Фудбал Лондон“, Челси го планира следното големо купување.
Тренерот Маурисио Покетино има на располагање 130 милиони евра за тројца посакувани играчи.
Најистакнато име на листата е ѕвездата на Ајакс, Мохамед Кудус. Репрезентативецот од Гана го привлече вниманието на себе на мундијалот, а неговата трансферна вредност е околу 40 милиони евра.
Другите двајца играчи се талентираниот играч за врска на Лион, Рајан Черки, и Мајкл Олисе, кој е член на премиерлигашот Кристал Палас.
Челси ова лето остана без дури 14 играчи, а Покетино создава речиси комплетно нов состав.
