Претседателот на УЕФА, Александер Чеферин вели дека скандалот со бакнежот на поранешниот претседател на шпанската федерација Луис Рубијалес кон фудбалерката Џени Ермосо е неприфатлив, но додава дека медиумите го направиле случајот поголем и дека тоа што го направил тој не е сериозен криминал.
Рубијалес беше суспендиран од ФИФА, си поднесе оставка од шпанскатаа федерација и од позицијата потпретседател на УЕФА, а исто така е под истрага од шпанските власти.
„Тоа што го направи Рубијалес е неприфатливо и несфатливо. Но, кога ќе прочитам дека неговиот однос се смета за сериозен криминал… Како адвокат, тоа е сосема нелогично. Медиумите ја кренаа оваа вест на преголема важност“, вели Чеферин во интервју за „Мундо депортиво“.
