Утрински Весник
Свет

Централна Норвешка беше погодена од најсилното невреме во повеќе од три децении

Централна Норвешка во текот на ноќта беше погодена од најсилното невреме во повеќе од три децении, со ветрови кои достигнуваа брзина и до 180 километри на час, придружени со силен дожд, што доведе до поплави, сообраќаен хаос и прекин на електричната енергија.

Норвешките метеоролози ја нарекоа бурата Ингун, а беше издадено црвено предупредување за арктичкиот регион. Автобус со 14 патници излетал од патот во близина на Лаердал, град североисточно од Берген, а нема повредени, соопшти полицијата.

Некои области беа поплавени, а авиокомпаниите и операторите со траект привремено ги прекинаа услугите, пренесе АП. Поради невремето во средата и денеска затворени се многу училишта и патишта. Полицијата соопшти дека неколку прозорци на хотел во Бодо, град во округот Нордланд, биле скршени во невремето.

Претставниците на осигурителната компанија рекоа дека е премногу рано да се проценат штетите од невремето. Невремето ја погоди истата област како и новогодишниот ураган од 1992 година, една од најсилните бури во историјата на Норвешка, потсетува весникот VGba.

Можете да прочитате

САД и испратија на Турција преддоговор за продажба на борбени авиони Ф-16

Турк: И Израел и Хамас извршија воени злосторства

Шпанската полиција разби мрежа која илегално извезувала одбранбени материјал во Саудиска Арабија