Стапката на инфлација во Велика Британија неочекувано забрза во февруари, задржувајќи се на двоцифрена и вршејќи дополнителен притисок врз Банката на Англија да ги зголеми каматните стапки на утрешната седница.
Годишната стапка на инфлација на потрошувачките цени се искачи на 10,4 отсто во февруари, соопшти денеска Канцеларијата за национална статистика, во однос на 10,1 отсто во јануари – повисока од прогнозата од 9,9 отсто од Банката на Англија и економистите анкетирани од „Ројтерс“.
Базичната инфлација, која ги исклучува нестабилните цени на храната, енергијата, алкохолот и тутунот, исто така силно се зголеми на 6,2 отсто, од 5,8 отсто во претходниот месец и ги надмина прогнозите за забавување на 5,7 отсто.
