Брајтон и Брентфорд продолжија со фантастичните игри оваа сезона во Премиерлигата, со победи во два заостанати мечеви. Брајтон со 1:0 беше подобар од Кристал палас за да остане на седмото место на табелата, а Брентфорд се искачи на осмото место по гостинската 0:2 победа кај Саутемптон, оставајќи ги „Светците“ на последното место на табелата.
Соломон Марч го постигна единствениот гол за Брајтон во 14. минута од мечот по асистенција на Каору Митома, за тимот на Роберто де Ѕерби да продолжи со фантастичните игри.
На „Сент Мерис“, пак, Ајван Тоуни го продолжи својот голгетерски поход, со гол во 32. минута, за Јоане Виса во 97. минута да ја потврди новата победа за Брентфорд.
ПРЕМИЕРЛИГА, ЗАОСТАНАТИ МЕЧЕВИ
Брајтон – Кристал палас 1:0
Саутемптон – Брентфорд 0:2
