Високиот претставник на Европската унија за надворешна политика и безбедност, Жосеп Борел, е во посета на Киев, при што, како што најави, ќе ја истакне својата непоколеблива поддршка за Украина.
Борел рече дека на состаноците во Киев ќе се разговара за поддршката на Украина од воен и финансиски аспект, како и за напредокот на Киев на реформскиот пат во напорите за влез во Унијата.
Минатата недела, Европската унија одобри 50 милијарди евра помош за Украина, што претставува голем поттик за Киев, кој во голема мера зависи од западните сојузници за воена и финансиска поддршка.
