На 27 јуни (сабота), со почеток во 10:00 часот на централното шеталиште во Стар Дојран, ќе се одржи #BorderBite – настан за промоција на локални производители и вмрежување на граѓани и здруженија од пограничниот регион.
Се очекуваат од 40 до 50 изложувачи, ќе бидат присутни здруженија на пензионери, млади, мали семејни производители, култутни работници од двете страни на границата итн.
Во уметничкиот дел ќе настапат: мандолинскиот оркестар Полифонија Стингс, фолклорниот ансамбл Мегдан, Распеани Дојранчани, талентираната Јована Тасева и диџеј Дионис.
Во Дојран како погранична точка, посетителите ќе имаат можност да се запознаат со производството на малите и семејни капацитети, ракотворбите и органското производство, како и да уживаат во најразлична културно – уметничка програма.
Целта на #BorderBite е да ги промовира посебностите и да ги поврзува различностите, од двете страни на границата. Преку запознавање, да се изградат заеднички визии и интереси, и да се креира долгорочен развој.
Настанот ќе биде реализиран со поддршка на Американското Катче Штип и PopUp Corner.
