Утрински Весник
Свет

Болест што ја пренесуваат крлежи и убива 15 отсто од заболените го зеде првиот живот во САД, јавуваат американските медиуми

Болест што ја пренесуваат крлежи и убива 15 отсто од заболените го зеде првиот живот во САД, јавуваат американските медиуми

Здравствените власти во Мејн ја пријавија првата смрт оваа година од неизлечива болест која се пренесува преку крлежи, што ги стави Американците во состојба на готовност додека започнуваат активностите на отворено поради топлото време, објави „Дејли мејл“.

dobivaj vesti na viber

Роберт Џ. Вејмут, 58 – годишен од Топшам, Мејн, почина по компликации од вирусот Повасан, кој предизвика сериозни невролошки проблеми, соопшти Центарот за контрола и превенција на болести во Мејн.

Вејмут почина по околу две недели во болница. Медицински тим предоцна открил дека отокот во неговиот мозок е предизвикан од вирусот Повасан.

Анмари Вејмут, вдовицата на Роберт, изјави за локалните медиуми во Мејн дека нејзиниот сопруг бил имунокомпромитиран и имал ревматоиден артритис. Тој првично не отишол во болница поради симптоми на Повасан.

Отишол во Медицинскиот центар во Мејн кога забележал оток на раката, како и проблем со коленото за кој била потребна операција. Но, тогаш, тој изгубил секакво чувство на десната страна од телото.

Магнетната резонанца набргу потоа открила дека  Вејмут имал голем оток на мозокот, што покажува дека вирусот достигнал напредна фаза. Анализите потврдиле дека виновникот е вирусот што го пренесува крлежот.

Многу луѓе кои се инфицираат со вирусот не развиваат симптоми, но оние кои обично ги имаат, до еден месец откако биле каснати од инфициран крлеж, забележуваат симптоми слични на грип, напади, оток на мозокот и до 15 проценти од случаите, смрт.

Смртта на Вејмут е третата смрт на Повасан во Мејн од 2015 година, а како што зимите стануваат потопли и пократки, светот станува погостопримливо место за крлежите кои предизвикуваат болести.

Властите на Мејн ги предупредуваат жителите да внимаваат на крлежите кога излегуваат на отворено, особено во шумски и области со грмушки.

Можете да прочитате

Крузер со 3.000 луѓе во карантин кај Маурициуспоради сомневање за колера

Буркина Фасо: Најмалку 15 убиени во напад на исламистите врз католичка црква

Буданов: Навални почина од природна смрт, од откачен тромб